Xhamia e Plumbit në Berat është një monument i rëndësishëm i shekullit XVI, ndërtuar nga Ahmed Bej Uzgurliu në vitet ’30 të atij shekulli. Ajo karakterizohet nga një sallë lutjesh me plan katror dhe kupolë qendrore, një portik me kupola më të vogla në pjesën veriore dhe një minare elegante ndërtuar me teknikën e kluasonazhit. Dritaret e shumta sigurojnë ndriçim të bollshëm në ambientin e brendshëm, i cili ka pasur dikur dekorime me ngjyrë të kuqerremtë dhe më vonë me motive biomore. Kjo xhami përfaqëson një nga shembujt më të spikatur të arkitekturës osmane në Shqipëri.
