Kalaja e Tiranës ndodhet në qendrën historike të qytetit dhe është një fortifikim fushor me planimetri drejtkëndore, ndërtuar mes viteve 1633 dhe fundit të shek. XVIII. Ajo luajti rol të rëndësishëm në zhvillimin e qytetit dhe kaloi në pronësi të familjes Toptani në vitin 1798. Sot, brenda mureve të mbetura të kalasë ndodhet një zonë pedonale e restauruar që promovon artizanatin, kulinarinë dhe kulturën vendase.
