Ky monument historik u projektua fillimisht për familjen mbretërore të Mbretit Zog I, por nuk u përfundua deri në vitin 1941, pasi Zogu u largua nga vendi pas pushtimit italian. Arkitektura është vepër e italianëve Gulio Berte dhe më pas Gherardo Bosio, që e finalizoi projektin në stilin monumental të kohës.
I vendosur në një kompleks të gjelbër dhe të izoluar nga qendra e qytetit, Pallati i Brigadave përfaqëson një nga shembujt më të mirë të arkitekturës institucionale të periudhës së viteve ’30-’40 në Shqipëri. Sot shërben si rezidencë zyrtare për aktivitete shtetërore dhe pritje diplomatike.
